aboheba Admin
عدد المساهمات : 280 تاريخ التسجيل : 09/01/2009
| موضوع: نصره النبى محمد صلي الله عليه وسلم السبت يناير 23, 2010 9:09 am | |
| الســـــــــــلام عليكم ورحمة الله وبركاتـــــــــه
اللهم صلى وسلم وبارك على سيدنا محمد وعلى آله وصحبه أجمعين
أنا بدأت الموضوع بالصلاة على الرسول .. لان الموضوع هيكون عن الرسول - عليه الصلاة والسلام -
طبعا كلنا عارفين موضوع الصور اللى بتتنشر ف الدنمارك
طبعا مفيش حد مازعلش وماتأثرش بالموضوع دا
وفى ناس قامت ومظاهرات واعتراضات وتكسير وهتافات وحاجات كتير
طبعا ماحدش يقدر يمنع حد من انه يغضب من اللى بيحصل دا
لكن سؤال .. هل دا هوه الحل
مع احترامى لكل اللى تظاهر وكسر وضرب .. كل دا كان حاجة مؤقتة
يعنى حماس زايد وانتهى وبعدها نسيت الموضوع
من غير فلسفة وكلام كتير .. انا شايف ان الحل
ان كل واحد مكانش بيصلى جماعة يبدأ ينزل ويصلى جماعة لأن دا
اللى يخليك تقدر تقول انا بحب الرسول وبعمل زى ماهوه حابب انى اعمل
الحل انك تمسك سواك وتحك بيه أسنانك .. لان الرسول لولا خوفه انه يشق علينا
لكان امرنا بالسواك عند كل صلاة
الحل اننا نرمى على بعض السلام لوجه الله مش لمصلحة
الحل اننا نقيم الليل .. ماتستغربش من موضوع قيام الليل
هنستغربه ليه هوه حد متوصي بقيام الليل غير أتباع الرسول
أتباع الرسول اللى هما انا وانت وكلنا ( المسلمين ) هوه احنا استكفينا بكلمة مسلم فى البطاقة
كلمة مسلم ف البطاقة ماتنصرش رسول الله
اللى ينصر رسول الله اننا نتبع سننه ونمتثل لأوامره - صلى الله عليه وسلم -
وفى نهاية الموضوع هاقولكم حاجة يمكن تستغربوها
رغم اللى حصل كله دا .. وكل دا مش استهزاء بالرسول
دا استهزاء بالل قال ورسم كدا عن الرسول الحبيب - صلى الله عليه وسلم -
مش انا اللى بقول كدا .. ربنا سبحانه وتعالى اللى قال كدا فى قرآنه الكريم
{{ إنا كفيناك المستهزئين }}
صدق الله العظيم
نصرة رسول الله - صلى الله عليه وسلم _ بإحياء سنته واتباع أوامره
| |
|